* * *

Ecco Verona
sotobrasso de Ponte Castelvècio:
l'è tutta bella,
tutta ciara e calda.
L'Adese l'è imamàdo,
l'è in confusion,
l'è timido,
el se pètena,
el se lustra,
el se veste de muraiòni,
el se méte in testa i ponti,
el canta de tutta vena.
Adesso el se scadèna
el ciapa fià,
el la basa.
Co na "esse" el la brinca tutta,
co na "esse" el la ciama Sposa.

poesia di Tolo da Re
Aggiunto di Simona Enache
Commenti! | Vota! | Copia!